बुल मार्केट र बियर मार्केट भनेको के हो? All about Bull and Bear Market.

बुल मार्केट

बजारको पछिल्लो न्यूनतम विन्दुबाट २० प्रतिशतले बढेमा वा दुई महिनासम्म लगातार बजार बढेमा बुल मार्केट भनिन्छ । कम्पनीको मूल्यमा लगातारको वृद्धि, एक्सचेन्जका परिसूचकमा देखिएको निरन्तर वृद्धि, लगानीकर्ताहरूको सम्पत्तिमा भएको वृद्धि, लगानीकर्ताको उत्साह, अर्थतन्त्रप्रतिको विश्वास बुल मार्केटको विशेषता हो । बुल मार्केटको समयमा प्रायः सबै कम्पनीका शेयरको मूल्य बढ्छ ।शेयर मूल्यको तीव्र वृद्धिले लगानीकर्तामा आत्मविश्वास बढाउँदै लैजान्छ । बुल मार्केटमा लगानीकर्ताहरू सामान्यतया शेयरहरू किन्न र भविष्यको लाभको आशमा स्टक होल्ड गर्न इच्छुक हुन्छन् ।

नेपालमा बुल मार्केटको इतिहास

१. पहिलो बुल–May 1998 – Nov. 2000 (३० महिना)

२. दोस्रो बुल– Apr. 2004 – Aug. (५२ महिना)

३. तेस्रो बुल–Mar. 2012 – Jul. 2016 (५२ महिना)

४. चौथो बुल– Nov. 2019 – Aug. 2021 (२० महिना)

Representative AI Photo

बियर मार्केट

सामान्यतया बजारको पछिल्लो उच्च विन्दुबाट २० प्रतिशतभन्दा बढीले घटेमा वा दुई महिनासम्म लगातार सूचीकृत कम्पनीको मूल्यमा गिरावट आएमा नेप्से परिसूचक लगातार घटेमा यस्तो अवस्थालाई बियर मार्केट भनिन्छ । बियर मार्केटमा स्टकको मूल्य घट्छ र लगानीकर्ताहरू घाटा सीमित गर्न थाल्छन् । यो गिरावट आर्थिक मन्दी, उच्च बेरोजगारी, कम्पनीको आयमा गिरावट वा लगानीकर्ताको मनोभाव कमजोर बनाउने अन्य कारणहरूबाट प्रभावित हुन्छ । बियर मार्केटमा लगानीकर्ताले घाटा सीमित गर्न वा थप गिरावटबाट बच्न शेयर बेचेर बजारबाट बाहिरिन खोज्छन् ।

नेपालमा बियर मार्केटको इतिहास

१. पहिलो बियर – Dec. 2000 – Mar. 2004 (३९ महिना)

२. दोस्रो बियर – Sep. 2008 – Feb. 2012 (४१ महिना)

३. तेस्रो बियर –Aug. 2016 – Oct. 2019 (३८ महिना)

४. चौथो बियर – Sep. 2021 – Oct. 2023 ( २५ महिना)